Қатысушы:Lariyaa/зертхана
 | Бұл жеке зертхана беттіңізде мақала өңдеп үйрену үшін жазғандарыңызды сынап көріңіз. Бұл бетті 2021-04-08, 22:13 кезінде (3 жыл бұрын) Lariyaa (журналы | үлесі) соңғы рет өңдеді. |
Абылай хан алаңы – Ақмола облысының Бурабай ауданындағы Бурабай ұлттық саябағының шекарасында орналасқан алаң. Абылай хан алаңы қазақ жерінің киелі жерлерінің бірі, әрі тарихи ескерткіш болып саналады. Алаң Бурабайдағы Көкше тауының бөктерінде орын алады. Одан 120 метр қашықтықта Абылай хан стеласы – туристтердің жиі келетін орындарының бірі, әрі алаңның бастауы орналасады. Стела бұл аймаққа 1991 жылы, ханның құрметіне қойылды. Алаңда гранит тастан жасалған Абылай ханның тағы бар. Оны басқаша «Хан тағы» деп те атайды. Сонымен қатар, аймақта ханның құрметіне «Абылай хан ордасы» деп аталатын архитектуралық кешен ашылды. Кешенде арнайы экспозиция залы да бар.
Тарихы
өңдеуТарихи мәліметтер бойынша үш жүзді біріктірген Абылай хан Бурабай өңірінде өз ордасын құрған. Қазіргі таңда сол аумақтың «Абылай хан алаңы» деп аталатын себебі де осы. Алаңда орналасқан табиғи ескерткіш – гранит тасынан қашалған тақтың орнында хан ұлтқа, халыққа байланысты маңызды шешімдер қабылдаған болатын. Хан тағында бүкіл алаңға көрініс ашылып, барлық дыбыстар естіледі. Сол себепті де, Абылай хан бұл жерді таңдаған деген пікірлер бар. Оған қоса, бұл өңірде, тау маңайында арнайы киіз үй тігіп, Сәкен Сейфуллин өзінің әйгілі «Көкшетау» поэмасын жазған екен.
Табиғаты
өңдеуАбылай хан алаңы деп аталып кеткен жер Бурабайдың әйгілі Көкше тауының етегінде орналасады. Алаң мен хан тағы орман ағаштарымен қоршалған. Айналасында Бурабайдың биік таулары мен қалың ормандарына көрініс ашылады. Аймақтың тағы бір ерекшелігі – оның ерекше климаты. Мәліметтер бойынша, алаң аймағындағы ауа температурасы айналадағы басқа жерлермен салыстырғанда біраз жоғарырақ болып келеді. Оған қоса, бұл аймаққа түсетін күн сәулелері адам ағзасының жасаруына үлесін тигізеді деген пікірлер бар. Жақын аймақтарда Абылай ханның заманынан сақталған басқа да бірқатар табиғи нысандар орын алады. Олардың ішінде «Ханның қызыл ағашы», «Төре қызыл ағашы», «Ханкөл», «Оразбұлақ», «Текекөл», «Жайнақкөл» және басқа да жерлер бар.
Туризм
өңдеуБурабай ауданының өзі туристтердің жиі келетін орындалының бірі болып саналады. Ондағы Абылай хан алаңы болса, туристтердің бағдарындағы маңызды аялдама ретінде саналады. Алаңға келетін адамдар оның әсем табиғатын тамашалап, сол аймақта жұмыс жасайтын гидтердің көмегімен Қазақстан тарихындағы ұлы тұлғаның өмірбаянымен, орда құрған жерімен, алаңның тарихымен танысады. Туристтер тек экскурсиямен шектелмей, сондай-ақ, күн сәулелері арқылы ағзаларына пайда тигізеді.
Дереккөздер
өңдеу- Жақыпов, М. (2018). Абылай хан алаңы (Бурабай ауданы). Ақкөл Өмірі. http://akkol-omiri.webpress.kz/kz/news/analitics/%D0%90%D0%B1%D1%8B%D0%BB%D0%B0%D0%B9%20%D1%85%D0%B0%D0%BD%20%D0%B0%D0%BB%D0%B0%D2%A3%D1%8B%20%28%D0%91%D1%83%D1%80%D0%B0%D0%B1%D0%B0%D0%B9%20%D0%B0%D1%83%D0%B4%D0%B0%D0%BD%D1%8B%29
- Құрмансейіт, А. (2019). Абылай хан алаңы. Ortalyq Qazaqstan. https://ortalyq.kz/abylaj-han-ala-y/
- Абылай хан алаңы және хан тағы. Kazakhstan.travel. https://kazakhstan.travel/tourist-spot/kk/2/the-glade-and-the-throne-of-ablai-khan
- Озеро и поляна Абылай Хана. Borovoe.kz. https://borovoe.kz/about/ozero-i-polyana-abylay-khana/