Қашқынбай Қожамбетұлы

Қашқынбай Қожамбетұлы (1830, Нарын құмы, Майтөбе мекені, қазіргі Атырау облысы - 1870 жылы шамамен Өзбекстан, Хорезм өңірі) - акын. Кіші жүз Байұлының Таз руынан шыққан. Қашқынбайдың ел аузында "Әуелі сөз сөйлейін жүрген жайдан", "Айналайын, Ыбыраш", "Сәлем айт барсаң, шырақ, біздің елге", "Дүнияның қызығы", "Ыбыраш, адал туған бір бала едің", т.б. толғаулары сақталған. "Сахара салқын, самал, самиян жел, жақсы еді жаз жайлауға Ойылымыз", "Көп кешер деген сөз бар сынық арба", "Мың қарға тие ала ма бір сұңқарға, он жабы сатсам жетпес бір тұлпарға", т.б. туындылардың авторы. Қашқынбай ақындығын Қарасақал Ерімбет ерекше бағалаған. Ақын өлең, толғаулары "Ақберен" (А., 1972), "Бес ғасыр жырлайды" (1984, II т., 1989, 1-т.) жинақтарында жарияланған. Шығармалары К. Сыдиықовтың "Ақын, жыраулар" (1974) кітабында талданған.