Қисымбай мұнай-газконденсат кен орны

Қисымбай мұнай-газконденсат кен орны — Атырау қаласынан оңтүстік-шығысқа қарай 210 км жерде, Каспий маңы ойпатының оңтүстік-шығысында орналсқан мұнай-газконденсат кен орны. Кен орны 1978 жылы ашылған.

Қисымбай мұнай-газконденсант кен орны

Геологиялық құрылымы

• Тектоникалық тұз күмбезді құрылымнан тұрады. Тұз үстіндегі жыныстар кешенінің стратиграфиялық қимасында төменгі бор мен жоғарғы юраның шөгінділері мұнайлы.
• Өнімді қабаттың төменгі бор кезеңіндегі мұнайлы валанжин қабаты жоғарғы юра кезеңінде газды келловей ярусы және газды мұнайлы қабаттары бөлінген.
• Валанжин қабатының тереңдігі 1564 м, келловейдікі - 1710-1736 м.
• Иірімдер қабаттың дөңдік Валанжин иірімдерінің биіктігі 23,6 м, келловейдікі 5,18 м.
• Су мұнай жапсары - 1597,8-1756,1, газ-су жапсары 1740,1 м-лік белгіде жүргізілген.
• Өнімді қабаттар терригендік таужыныстардан құралған коллекторлы кеуекті.
• Мұнайға қаныққан қабатының қалыңдығы 2,7-10,5 м, газға қаныққан қабатының қалыңдығы 1,6-5,9 м.
• Коллекторлардың ашық кеуектілігі 20,7-21%, өткізгіштігі 0,39-4,645 мкм².
• Мұнайға қаныққан коэффициенті 0,61.
• Бастапқы қысымы 15,99-19,88 МПа, температура 60-61^°С.

Құрамы

Мұнайдың тығыздығы 871-881 кг/м³. Құрамында:

• Күкірт 0,89-0,94%
• Шайыр 11,86%
• парафин 0,51-3,84%

Газ құрамында:

• Метан 61,68-72,34%
• Этан 5,77-7,45%
• Пропан 0,09-44,38%
• Азот 12,17%

Тұрақты конденсаттың бастапқы мөлшері 96 г/м³, тығыздығы 871 кг/м³. Хлор-кальцийлі суының тығыздығы 1190-1120 кг/м³, минералдікі 182,0-277,5 г/л.

Тағы қараңыз

• Кен орны
• Қазақстанның кен ресурстары