Қожырау

Қожырау. Берекесі кету, ыдырау, тарау сияқты түсініктер береді. «Іргесі бұзылмаған берекелі ауылдың бірлігі қожырады» (Ж. Еділбаев, Түркістан.). Бұл келтірген мағыналар кейінгі — туынды деп қарауға болады. Алғашқы мағынасы —«қартаю, шөгу» екендігіне якут тілінің, қала берді моңғол тілінің деректері куә. Осы мағынадағы сөз якуттарда — «ходьурай» , моңғолдарда—«хөгшрөк» тұлғаларында қолданылады. Бұл жерде якуттардағы «дь», моңғолдардағы «ш» дыбысына тілімізде «ж» дыбысының сәйкес келетінін ескерсек болды.