Қоздау қорасы

Қоздау қорасы - қой қоздайтын, яғни төл қабылдайын бөлме. Қоздау қорасына қой қораның ең жылы жағы бөлінеді. Арнайы қоздау қорасы қой төлдетуді қыста немесе ерте көктемде өткізгенде салынады. Қоздау қорасы бөлмелері жылы (+10...+12 Цельсия градусы аралығында) және құрғақ болуы керек. Қоздау қорасының көлемі отардағы қоздайтын саулық санына байланысты салынады. Әдетте, оған отардағы саулықтың 10-15 пайызы сиятындай етіп жасайды. Қоздау қорасын жабдықтау келесі жалпы нұсқа бойынша жүргізіледі - бөлме ені 1,5-2 м дәлізбен екіге бөлінеді, бір жағыңда қой қоздайтын шағын алаңдар және қозылы қой ұсталатын жеке үйшіктер (1X1,5 м) жасайды. Бөлменің екінші жағында 3-5 күндік қозылы қойлар тұратын бөлек-бөлек орын жасайды. Әр бөлігіне 6-8 жалқы қозылы қой немесе 3-4 егіз қозылы қой сиятындай болуы керек.