Қозғалмалы нысаналарды сұрыптау

Қозғалмалы нысаналарды сұрыптау — арнайы құралдың көмегімен қозғалыстағы нысаналардан (танк, ракета, ұшақ т.б.) бейнеленген немесе баяу жылжитын я қозғалмайтын заттардан бейнеленген сигналдар аясындағы радиолокациялық сигналдарды айқындау. Радиолокациялық станцияларда қозғалмалы нысаналарды сұрыптау құралдарын қолдану жер бетіндегі, судағы және ауадағы әр түрлі қозғалмалы нысаналарды табуға және бағыттауға мүмкіндік береді, сондай-ақ радиолокаторлардың кедергіге қарсы беріктігін айтарлықтай арттырады, белсенді емес кедергілердің (бұлт, су толқыны, т.б.) деңгейін тәмендетеді.