Қозғалысты қамтамасыз ету жасағы

Қозғалысты қамтамасыз ету жасағы (Отряд обеспечения движения) — негізінен инженерлік, сондай-ақ, мотоатқыштар (танк) және де басқа бөлімшелерден тұратын, өскерлер қозғалысы кезінде бағыттағы дайындау және жарамды жағдайда ұстауға арналған уақытша әскери құрылым. Қарулы күштерде Қозғалысты қамтамасыз ету жасағы шеру, бетпе-бет ұрыс, шабуыл, (өскерлердің жазылу шептеріне жылжуы кезінде), қудалау, сонымен катар шегіну кездерінде кұрылады. Азаматтык қорғаныс құрылымдарында Қозғалысты қамтамасыз ету жасағы негізгі күштерді, зақымдану ошактарына жылжу мен кіру жолдарын дайындау үшін құрылуы мүмкін. Қозғалысты қамтамасыз ету жасағы құрылым мен жабдықталуы алға жылжитын өскерлердің құрамына, іс-әрекет сипатына, бағыт пен жергілікті жер жағдайына, бөгеулер мен қиратулар сипатына, жыл мезгілі және ауа райы жағдайына байланысты анықталады. Қозғалысты қамтамасыз ету жасағы бағытқа барлау жүргізеді, лектік жолдар салады, бөгеулер мен қиратулардан өтпелер жасайды, жолдардың бұзылған бөліктерін қалпына келтіреді, табиғи бөгеттерден (ені шағын өзендер, каналдар, орлар және т.б.) өткелдер жасайды. Түрлі міндеттерді орындау үшін Қозғалысты қамтамасыз ету жасағы құрамын әдетте төмендегідей топтарға бөледі:

• барлау, бөгетгерді аршу
• жол-көпірлік және ұрысты қамтамасыз ету (бойтасалау).

Ресейдің қозғалысты қамтамасыз ету жасағы