Барлау геофизикасы

Барлау геофизикасы. Геология ғылымының мақсат-мүдделерін орындаумен айналысатын геофизика саласы. Жалпылама "геофизика" деген түсініктен өзгеше мазмұнды иеленген бұл ғылым саласының өзіндік зерттеу нысаны (негізінен пайдалы қазба кенорындары, немесе олардың жекеелеген бөліктері) және өзіндік зертгеу әдістері бар; аталған әдістер "барлаудың физикалық әдістері" деп аталады. Өзінің зерттеу нысаны мен зерттеу әдістеріне қарай барлау геофизикасы бірнеше түрлерге бөлінеді. Олардың бастылары: мұнай кендерін, металл кенорындарын және көмір кендерін іздеу геофизикалары; жекелеген аудандардың тектоникасын зерттеу гиофизикасы; инженерлік-геологиялық мәселелерді шешу геофизикасы, т.с.с. Жұмысты жүргізу жағдайларындағы өзгешеліктерге орай, барлау геофизикасы рудалық геофизикаға, құрылымдық физикаға, теңіз геофизикасына, жерасты геофизикасына т.с.с. жіктеледі.