Қоржын апару

Қоржын апару - қазақ халқының атадан келе жатқан дәстүрі. Той-думандарда тойға келетін құдағилар қоржын дайындайды. Қоржынның бір жағына дастарқанға шайлық тәттілер салынады, екінші жағына қыз-келіншектер мен әйелдерге арнайы сыйлықтар, мата, орамал салынады, ал сыртына зергерлік бұйымдар ілінеді. Қазіргі кезде де қыз ұзату не үйлену тойларында құдағилар қоржын даярлайды. Тойға келген әйелдер қоржын көруге жиналады. Құдағи әкелген қоржынды ашып көрсету міндеті сыйлы бір әйелге жүктеледі. Қоржынның бетіне оны ашатын әйелге арналған көйлек орамал салынады. Бақылаушыларға қоржынды ашып көрсеткеннен кейін сыйлықтары мен шайлық тәттілерін қыз-келіншектер мен әйелдерге үлестіріп береді.