Қосшағыл мұнай кен орны

Қосшағыл мұнай кен орны — Атырау облысы, Жылыой ауданы, Құлсары қаласынан оңтүстік-батысқа қарай 10 км жерде. 1926 жылы ашылған. Барлау-бұрғылау жұмыстары 1935-1942 жылдары жүргізілген.

Қосшағыл мұнай кен орны

Геологиясы мен сипаты

• Кен орны төрт қанатты тұз күмбезді құрылымнан тұрады.
• Солтүстік қанаттың ортаңғы юра және оңтүстік қанаттың пермь триас шөгінділері мұнайлы. Өнімді горизонттар 81 – 420 м тереңдікте жатыр.
• Шоғырлар қабаты биіктігі 12 – 127 м тектоникалық, литологиялық-стратиграфиялық қалқаланған. Өнімді горизонттар терригендік таужыныстардан құралған, коллекторлары кеуекті.

Қанығу сипаты

• Мұнайға қаныққан қабаттар:
  • қалыңдығы 2,6 – 13,6 м;
  • ашық кеуектілігі 22,2 – 31,9%;
  • өткізгіштігі 0,031 – 9,718 мкм²;
  • мұнайға қанығу коэффициенті 0,52 – 0,92.
• Мұнайдың шығымы 1-ден 320,2 м³/тәулік аралығында ауытқиды.
• Қабат қысымы 1,67 – 8,2 МПа, температурасы 19,3 – 29,5^°С.

Құрамы

• Мұнайдың тығыздығы:
  • 0,827 – 0,927 г/см³;
  • күкірттілігі 0,05 – 0,46%;
  • парафинділігі 0,22 – 1,87%.
• Газ құрамы:
  • метан (72,7 – 89,3%);
  • этан (2 – 10,1%);
  • пропан (1,2 – 2,44%);
  • изобутан (0,2 – 3,66%);
  • көмір қышқыл газы (0,8 – 3,1%).

Қабат сулары хлор-кальцийлі, олардың тығыздығы 1,058 – 1,145 г/см³, минералдары 83,6 – 231,8 г/л.