Қосыбек Салтанатұлы Ирзағалиев
Қосыбек Салтанатұлы Ирзағалиев (2 қараша 1946 жылы Қызылқоға ауданы, Атырау) - ауылшаруашылық ғылымдарының докторы (2010). Атырау облысы Қызылқоға және Құрманғазы аудандарының Құрметті азаматы. Атырау облысының Құрметті азаматы.
| Қосыбек Салтанатұлы Ирзағалиев | |||||
| Туған күні | |||||
|---|---|---|---|---|---|
| Туған жері | |||||
| Азаматтығы | |||||
| Ғылыми аясы | |||||
| Жұмыс орны | |||||
| Ғылыми дәрежесі |
ветеринария ғылымдарының докторы | ||||
| Альма-матер | |||||
| Несімен белгілі |
Еділбай тұқымды қойыларын зерттеуімен | ||||
| Марапаттары |
| ||||
Толығырақ
өңдеуҚосыбек Салтанатұлы Ирзағалиев 1946 жылы 2 қарашада Гурьев облысы Қызылқоға ауданында дүниеге келді.
1964 жылы совхозда шопандықтан еңбек жолын бастады.
1970 жылы Алматы зоотехникалық-малдәрігерлік институтін, 1982 жылы Алматы жоғары партия мектебін бітірген.
Зоотехникалық-малдәрігерлік институтты бітіргеннен кейін Қызылқоға ауданының Абай атындағы совхозда ферма зоотехнигі болып жасады.
1972-1977 жылдары совхоз комсомол комитетінің хатшысы, облыстық комсомол комитетінде нұсқаушы, бөлім бастығы.
1977-1990 жылдары облыстық партия комитетінде нұсқаушы, аудандық партия комитетінің хатшысы, облыстық партия комитетінің бөлім бастығының орынбасары, инспекторы.
1990-2002 жылдары облыстық агроөнеркәсіптік төреағасының бірінші орынбасары, облыстық ауыл шаруашылығы басқармасы бастығының орынбасары.
2002-2007 жылдары Қазақстан Республикасы ауыл шаруашылығы министрлігінің Атырау облыстық аумақтық басқармасының (кейіннен инспекция) мемлекеттік мекемесінің бастығы болып қызмет атқарды.
2008-2017 жылдары Атырау мұнай және газ институтында аға оқытушы.
2017 жылдан бүгінге дейін Х.Досмұхамедов атындағы Атырау мемлекеттік университетінде аға оқытушысы болып қызмет жасайды.
Ғылыми қызметі
өңдеуОқытушылық қызметте де студенттерді білімділікке, біліктілікке, адамгершілікке тәрбиелеп, сапалы маман дайындауда абыройлы еңбек етуде. Дәріс оқитын пәндерінен студенттерге арнап 36 оқу-әдістемелік жиынтықтарын және көрнекті құралдар шығарды. Оның қатынасуымен облыста қарақөл және еділбай қойларының үш зауыттық сүлелері, алты зауыттық желілері және бір түйе типі шығарылды.
Сегіз патент иегері. Оның ғылыми жетекшілігімен 2 кандидаттық диссертация қорғалды, 70-ден астам ғылыми мақалалары жарық көрді.
2000 жылы Алматы қаласындағы Казак кой шаруашылыгы гылыми-зерттеу институтында "Едiлбай койынын Сүйіндік зауыттык сулесiнiн онiмдiлiк касиеттерi" тақырыбына ауылшаруашылық ғылымдарының кандидаттығына диссертациясын қорғады.
2010 жылы Алматы қаласындағы Қазақ мал шаруашылығы және жемшөп өндірісі ғылыми-зерттеу институтында “Атырау өңіріндегі еділбай қойларын жетілдіру және олардың жаңа түрлерін шығарудың теориялық негіздері” тақырыбына докторлық диссертациясын қорғады.
Ғылыми еңбектері
өңдеуАтырау облыстағы «Қүрманғазы» атындағы, “Мақаш” атындағы және “Сүйіндік” еділбай қойын өсіретін асыл тұқымды қой зауыттарында ғылыми жұмыстар жүргізіп келеді.
«Еділбай қойы Сүйіндік зауыттық сүлесінің өнімділік қасиеттері», «Атырау өңірінің еділбай қойы», «Атырау құйрықты қойлары» және 2019 жылы шет елден «Едилбайская овца Нарынкумов» атты кітаптарын шығарды.[1]
«Атырау арғымақтары» атты кең форматты кітаптың авторларының бірі.
Қоғам қызметі
өңдеуОблыс ардагерлер ұйымының пленум мүшесі, облыс ауылшаруашылығы ардагерлері бастауыш ұйымының төрағасы, Атырау облысы «Нұр Отан» партиясының «Ауылды қолдау және дамыту» бағыты бойынша комиссияның мүшесі, Қазақстан Республикасының ұлттық ат спорты федерациясының мүшесі және Ұлттық ат спорт ойындарының жоғары дәрежелі төрешісі.
Отбасы
өңдеуЖолдасы Құспанова Қадиша 1970 жылы Алматы шет тілдер институтының француз тілі мамандығы факультетін бітірген, облыс мектептерінде оқытушы болып қызмет жасады, қазірде құрметті демалыста. Жоғары санаттағы мұғалім, Республика білім беру үздігі. Жанұяда екі бала тәрбиелеп өсірген, екеуіде жоғары білімді мұнай саласында қызмет атқарады.
Марапаттары
өңдеуҚазақстан Республикасының мемлекеттік «Ерен еңбегі үшін», «Еңбек ардагері», мерекелік «Тыңға 50 жыл», Авиация генерал-майоры Талғат Бигелдінов атындағы[2], Қазақстан Республикасының тәуелсіздігіне 25 жылдығы[3], «Қой сүлесі авторы» медалдарымен, Республикалық кәсіподақтар одағының «1-ші дәрежелі Еңбек даңқы» белгісімен, Ауыл шаруашылығы министрлігінің, бірнеше рет облыстық маслихаттың Құрмет Граммоталарымен және облыс әкімдерінің Алғыс хаттарымен марапатталды.
Атырау облысы Қызылқоға және Құрманғазы аудандарының Құрметті азаматы.
2021 жылдың 29 қыркүйекте өткен Атырау облыстық мәслихатының VII сессиясы шешімімен «Атырау облысының Құрметті азаматы» атағы берілді.[4]
Дереккөздер
өңдеу- ↑ https://m.azh.kz/ru/news/view/25547 Мұрағатталған 4 қазанның 2021 жылы.
- ↑ https://pricom.kz/aktualno/hotya-fanfaryi-otgremeli.html
- ↑ https://m.azh.kz/index.php/ru/news/view/41231 Мұрағатталған 4 қазанның 2021 жылы.
- ↑ https://atpress.kz/16610-v-atyrau-proshla-ocherednaya-sessiya-oblastnogo-maslikhata