Қотырот

Қотырот (лат. Scabiosa) – ұшқаттар тұқымдасына жататын шөптесін өсімдіктер туысы. Дүние жүзіне таралған 100-ге жуық түрі белгілі.

Қотырот
Ғылыми топтастыруы
Дүниесі: Өсімдіктер Бөлімі: Гүлді өсімдіктер Табы: Қос жарнақтылар (unranked) Asterids Сабы: Dipsacales Тұқымдасы: Caprifoliaceae Кіші тұқымдасы: ‎Dipsacoideae Тегі: Scabiosa
түрлері
100 түрі белгілі

Ботаникалық сипаты

• Биіктігі 30-80 см.
• Жапырақтары қарама-қарсы орналасқан, қауырсын тілімді, сирек жағдайда бүтін болып келеді.
• Гүлдері жұмыр гүлшоғырына бекіген, гүлсидамы ұзын. Тостағаншасы қос қабатты, күлтесінің қысқа түтігі бар.
• Жемісі - тұқымша.
• Шілде айынан бастап алғашқы үсік түскенге дейін гүлдей береді.
• Жылу сүйгіш, құрғақшылыққа төзімді, бірақ суыққа төзімсіз.

Арамшөп ретінде егістікті зақымдайды.

Өсетін ортасы мен таралуы

Орта Азия мен Оңтүстік Еуропада, Кавказда, Сібір мен Қиыр Шығыста 30-ға жуық түрі құрғақ шалғындарда, қиыршықтасты тау баурайларында, сирек жағдайда ормандарда да кездеседі.

Шаруашылықтағы қолданысы

• Қотыроттың барлық түрінен жақсы бал алынады.
• Гүл шаруашылығында екі түрі қолданылады:
  • ірі көкшіл гүлдері бар көп жылдық кавказ қотырот (S.caucasica);
  • түсі әр түрлі барқыт гүлдері бар бір жылдық қара қошқыл қотырот (S.atropurpurea).