Қоян Роджерге ор қазған кім

«Қоян Роджерге ор қазған кім» — шынайы актёрлері мен мульткейіпкерлері қатарынан көрсетілген америкалық көркем фильм, 1988 жылы шыққан.

Қоян Роджерге ор қазған кім
Who Framed Roger Rabbit
Жанры	комедия, детектив, фантастика
Режиссёрі	Роберт Земекис Ричард Уильямс (анимация)
Продюсері	Фрэнк Маршалл Роберт Уоттс
Сценарийдің авторы	Джеффри Прайс Питер Симан
Басты рөлдерде	Чарльз Флейшер Боб Хоскинс Джоанна Кэссиди Кристофер Ллойд Кэтлин Тёрнер
Операторы	Дин Канди
Композиторы	Алан Сильвестри
Кинокомпания	Touchstone Pictures Amblin Entertainment Silver Screen Partners
Ұзақтығы	103 мин
Бюджеті	50,6 млн $
Кассалық түсімі	329,8 млн $
Мемлекет	АҚШ
Тілі	ағылшын тілі
Шыққан жылы	1988
IMDb	ID 0096438

Бұл фильмде Walt Disney Company, Universal Pictures, Warner Bros., MGM сияқты анимациялық студиялардың кейіпкерлері алғаш рет бірге, бір кадрда көрсетіледі, мысалы Багз Банни мен Микки Маустың кездесуі, Дональд Дак пен Даффи Дактың музыкалық сайысы.

Мол табысқа ие болған бұл фильм көрермендердің де, сыншылардың да көңілінен шықты. Ол үздік монтаж, үздік дыбыс монтажы және үздік визуалды эффектер үшін «Оскар» сыйлықтарын жеңіп алды, ал фильмнің анимациялық жағын басқарған Ричард Уильямс арнайы жетістіктері үшін берілетін «Оскарды» иеленді.

2016 жылы «Қоян Роджерге ор қазған кім» фильмі АҚШ Конгресс кітапханасының Ұлттық фильмдер регистріне енгізілді.

Сюжет

Фильм оқиғалары 1947 жылғы Лос-Анджелесте орын алады. Бүкіл мульткейіпкерлер (toons) ойдан шығарылған Мультаун (Toontown) қала маңы жерінде тұрады. Қоян Роджерге бай бизнесменді өлтірді деп айып тағылады. Оның ақталып шығуына соңғы үміт болып тұрған адам — детектив Эдди Валиант.