Қоңдыкөл
Қоңдыкөл, Құндызкөл — Есіл алабындағы тұщы көл.
| Қоңдыкөл | |
 | |
| Морфометрия | |
|---|---|
| Теңiз деңгейiнен биіктігі | 429 м |
| Өлшемі | 4,4 × 3 км |
| Ауданы | 8,3 км² |
| Жағалау сызығының ұзындығы | 13,4 км |
| Орналасуы | |
| 52°45′10″ с. е. 68°43′41″ ш. б. / 52.75278° с. е. 68.72806° ш. б. (G) (O) (Я)Координаттар: 52°45′10″ с. е. 68°43′41″ ш. б. / 52.75278° с. е. 68.72806° ш. б. (G) (O) (Я) | |
| Ел |  Қазақстан |
| Аймақ | Ақмола облысы |
| Аудан | Сандықтау ауданы |
Географиялық орны
өңдеуАқмола облысы Сандықтау ауданы Новоникольское ауылы маңында, теңіз деңгейінен 429 м биіктікте жатыр. Аумағы 8,3 км², ұзындығы 4,4 км, енді жері 3 км, жағалау бойының ұзындығы 13,4 км.
Сипаты
өңдеуКөктем айларында көл аумағы ұлғайып 8,6 км²-ге жетеді. Солтүстік-батысынан шағын өзен құяды. Шығыс жағалауында қамыс шоғырлары өседі. Басқа жағалауларын қайың, қарағай, терек, т.б. ағаштардан тұратын орман алқабы көмкерген. Сонадай-ақ жағалауында Құмдыкөл, Маралды, Новоникольское елді мекендері орналасқан. Негізінен жауын-шашын және жер асты суларымен толысады. Суы қараша айының 2-жартысында қатып, сәуір айының 2-жартысында ериді. Жағалауының біршама жері егістікке жыртылған. Қалған бөлігі мал жайылымына, омарта шаруашылығына және шабындыққа пайдаланылады.[1]
Дереккөздер
өңдеу- ↑ Қазақстан табиғаты:Энциклопедия / Бас ред. Б.Ө.Жақып. - Алматы:" Қазақ энциклопедиясы" ЖШС, 2011. Т.З. - 304 бет. ISBN 9965-893-64-0 (Т.З.), ISBN 9965-893-19-5