Қоңырау кімге соғылады

«Қоңырау кімге соғылады» — Эрнест Хемингуэйдың 1940 жылы басылып шыққан романы.

Қоңырау кімге соғылады
For Whom the Bell Tolls
Жанр	роман
Авторы	Эрнест Хемингуэй
Түпнұсқа тілі	ағылшын тілі
Жариялануы	1940 ж.
Баспагер	Charles Scribner's Sons

Испан азамат соғысы (1936–1939) аяқталғаннан кейін көп ұзамай жарияланған бұл шығармада интербригадаға қосылған жас америкалық жауынгердің франкистер тылына аттанып, партизанша соғысқаны жайлы баяндалады.

Роман Le Monde ұсынған Ғасырдың 100 кітабы тізімінде #8 орында тұр.

КСРО-да жалпы коммунистік қозғалысты және кейбір нақты коммунистерді бұрмалап көрсеткені үшін роман цензураға ұшырады.

Атауы

XVII ғасырдың ағылшын ақыны мен шіркеу адамы Джон Донның эпиграфқа алынған сөздерінен романның неге солай аталғаны белгілі болады:

Әр адам жеке арал іспетті емес, ол континенттің бір ұшы, жалпының бір бөлігі ғана. Теңіз суы бір кесек жартасты шайып әкетсе, Еуропаның тарылып қалғаны емес пе, яки бір мүйіске, я досыңның не өзіңнің үй-жайыңа кеміп қалғаны іспетті. Әр адамның өлімі өзімді де аласартады, себебі мен адамзатқа ортақтаспын. Сондықтан қоңырау кімге соғылады деп ешқашан да сұрама, оның шылдыры саған арналған.

Экрандалуы

1943 жылы шыққан сол аттас фильмде басты рөлдерді Гэри Купер мен Ингрид Бергман ойнайды.

Фильм тоғыз «Оскарға» номинация алып, біреуінде жеңді.