Қуанышбаев атындағы көше (Алматы)

Көшеге қазақтың белгілі актері, КСРО халық артисі, қазақ драма театрының іргетасын қалаушылардың бірі, КСРО Мемлекеттік сыйлығының иегері Қалибек Қуанышбаевтың есімі (Алматы қаласы атқару комитетінің 10.03.1969 № 81 шешімі) берілді. Қуанышбаев Қалибек (1893-1968) Қарағанды облысының Қарқаралы ауданында дүниеге келген. Ол - М. Әуезов атындағы Қазақ драма театрының актері, КСРО Жоғарғы Кеңесінің 1 депутаты. Көше Әуезов ауданында орналасқан. Өтеген батыр көшесінен басталып, Алтынсарин даңғылына дейін созылып жатыр. Көшенін ұзындығы - 650 метр.