Қуыстылық (геология)

 Басқа мағыналар үшін Қуыстылық деген бетті қараңыз.

Қуыстылық - Тау жынысында кеуектерден, ұралардан, жарықтар мен жарықшақтардан тағы басқа тұратын қуыстардың болуы.Синонимі — жинауыштың сиымдылығы.

Түрлері

• Туынды қуыстылық. Таужыныстарда эпигенез процесі нәтижесінде пайда болған қуыстар (еру кеуектері, ұралар, жарықтар).
• Ашық қуыстылық. Жинауыш таужыныстардың бір-бірімен жалғасқан ашық қуыстарын ғана біріктіретін олардың толық қуыстылығының бір бөлігі.
• Алғашқы қуыстылық. Таужыныстың түзілу сәтімен орайлас калыптасатын кеуектілік яки қуыстылық. Бұл қуыстылықка жататындар: таужынысты құрайтын түйірлер мен бөлшектер аралығындағы қуыстар; қабатталу жазықтықтарының аралығы; кейбір атқылама таужыныстардағы көпіршіктер орны мен кеуектер. Синонимі — "сингенетикалық қуыстылық".
• Толық қуыстылық. Жинауыш таужыныстардың өздерінің пішіні, мөлшері, орналасу ерекшеліктері және қалыптасу жағдайы тұрғысынан түрлі болып келетін бүкіл қуыстарының (ашық және жабық қуыстардың) жиынтығын құрайтын қуыстылығы. Синонимдері — "нақты қуыстылық"; "жалпы стылық"; "физикалық қуыстылық".
• Кеуекті қуыстылық. "Кеуектілік" терминінің синонимі.
• Сингенетикалық қуыстылық. "Алғашқы қуыстылық" терминінің синонимі.
• Тиімді қуыстылық. Таужыныстардағы көмірсутектермен тоғытылған өзара байланысты қуыстар.