Қыдуар Мертенов

Мертенов Қыдуар — белгілі баспагер, әрі аудармашы. Қ.Мертенов 1927 жылы Батыс Қазақстан облысының Орда қаласында дүниеге келген. С.М.Киров атындағы қазақ мемлекеттік университетін журналистика мамандығы бойынша бітіріп шыккан (1967).

Ол он алты жасында еңбекке араласқан. 1948 жылдан журналистік қызметін бастап, аудандық газеттің редакторы, Талдықорған облыстық газеті бас редакторының орынбасары ретінде жемісті еңбек етеді. Қ.Мертенов 1976 жылы Алматыға қоныс аударып, республикалық "Қайнар" баспасында жұмысқа орналасады. Тәжірибелі журналист осында "Ақ бидай", "Сарыжайлау" редакциясын басқарып, сол тұстағы мемлекетіміздің аграрлық саясатын қолдаған талай құнды кітаптарды шығаруға үлес қосқан. 1990 жылы, 35 жылға созылған баспасөз қызметінен соң, зейнеткерлік демалысқа кетеді. Қ.Мертенов баспасөз саласындағы жемісті еңбегі үшін "Құрмет белгісі" (1965) орденімен, өзге де медальдармен марапатталған.