Қыздыру элементі

ҚЫЗДЫРУ ЭЛЕМЕНТІ - электрлік қыздыру приборларының электр энергиясын жылуға айналдыратын бөлігі (немесе алмастырмалы деталы). Өткізгіштен ток өткен кезде бөлінетін жылудың шамасы өткізгіштің кедергісіне тура пропорционал (қ. Джоулъ-Ленц заңы) болатындықтан Қ. э-нің жұмыстық бөлігі кедергісі жоғары, шыдамды әрі тотықтанбайтын қорытпалардан (нихром, фехраль вольфрамит т. б.) жасалады. Бұлардан жасал-ған орам (не лента) ыстыққа төзімді электр изоляциялық (фарфор, керамика, слюда т. б.) қаңқаға оралады. Жоғары температураға арналған Қ. э. көбінесе стержень түрінде жасалады. Сырты жалаңаш Қ. э-н ашық, ал сырты жылу өткізгіш электрлік изоляциялық қабатпен қоршалган Қ. э-н жа-бық деп атайды. Ашық Қ. э. тек конвекция ғана емес, сәуле тарату қүбылысы бойынша да жылу таратады. Сондықтан бүл Қ. э-нің п. ә. коэффициенті герметикалы жабық Қ. э-мен салыстырғанда артық. Бірақ ашық Қ. э-не ауа мен ылғал әсер ететіндік-тен оның жұмыс істеу мерзімі жабық Қ. э-не қарағанда едәуір кем болады.