Қызылша қопарғыш

Қызылша қопарғыш— мал азықтық, ас және қант қызылшасының тамырын қазатын а. ш. құралы. Қызылша қопарғыш қазғаннан кейін қызылшаның сабақ, жапырақтары қолмен тазартылады. Қызылша қопарғыштың негізгі бөлшектерінің бірі көлденең қойылған белдеу темір, оған алмалы-салмалы қопарғыш күрекшелер бекітіледі. Қатар аралықтардың қашықтығына қарай күрекшелердің арасын кеңітуге, тарылтуға болады. Қызылша қопарғыш ауа райы бұзылып, қызылша комбайны жүре алмай қалғанда және тамыр жемістің басындағы сабақ, жапырақ есетін бүршіктерін кеспей тазарту қажет болған жағдайда қолданылады.