Қызыл маржан

Қызыл маржан (Corallium rubrum) - горгонарий отрядына жататын ішек қуысты жәндік.

Қызыл маржан

Таралуы

Жерорта теңізінде, Атлант мұхитында (Канар аралдары маңында) 10-200 м тереңдікте мекендейді.

Тіршілігі

Су астындағы тасқа, шыңға жабысып, тармақталған колония құрайды. Полиптері ақ, 8 тармақты қармалағышы бар. Көмір қышқылы мен кальцийден құралған қызыл түсті ішкі қаңқасы бір-бірімен ұштасып, бірігіп, колонияның тығыз негізгі қаңқасын түзеді. Бұл қаңқада темір тотығы көп болатындықтан, оның түсі ақшыл қызғылттан қошқыл қызғылт түске дейін өзгереді.

Қолданылуы

Қызыл маржан қаңқасынан моншақ, білезік және басқа да әшекей бұйымдар жасалады. Қызыл маржан кәсіп ретінде өте бағызы заманнан ауланады.