Қызғылтсары айқабақ

Қызғылтсары айқабақ - (лат. Acrocephalus agricola) торғайлар сабының Сандуғаштар тұқымдасының Айқабақтар тегіне жататын сайрағыш құсы.

Қызғылтсары айқабақ
Ғылыми топтастыруы
Дүниесі: Жануарлар Жамағаты: Хордалылар Табы: Құстар Сабы: Торғайтәрізділер Тұқымдасы: Сандуғаштар Тегі: Айқабақтар Түрі: Қызғылтсары айқабақ
Екі-есімді атауы
Acrocephalus agricola (Jerdon, 1845)

Acrocephalus agricola

Биологиялық сипаттамасы

Дене тұрқы - 13 см, қанаттарының өрісі 15—17,5 см. Денесінің төбе жағының қауырсындары - ақшыл-қоңыр, төмен жағы - ақшылдау. Жыныстық дисморфизм болмайды, еркегі де ұрғашысы да сырт көрінісі бірдей.

Қызғылтсары айқабақ - ең кішкене айқабақтардың бірі, басқаларына өте ұқсас, тек қана жазда төбесінің қауырсындары жонынан қошқылдау болып көрінеді . Дауысы мен әуезі де өзге кішкене айқабақтарға, әсіресе саз айқабаққа ұқсас, алайда одан айырмашылығы қызғылтсары айқабақ бұталарда емес, қамыста өмір сүреді.

Қамысқа ұялайды, сонымен бірге ұяда өзін сақ ұстайды. Қамыс немесе қоғаның бірнеше сабақтарына орнықтырылған цилиндр пішінді ұя суға жиі тиіп тұрады, алайда көбінесе судан 30 см қашықтықта болады. Салындыда көгілдір немесе жасылдау реңкті теңбілденген 4-5 жұмыртқалар жатады. Ұялау тұрмысы егжей- тегжейлі зерттелмеген .

Таралу аймақтары

Бүкіл Орта Азияда кең тараған. Қазақстанда қамысы қалың өскен жазықтық, су қоймалардың барлығында болады.

Қыста Пәкістан мен Үндістан жаққа миграция жасайды. Қазақстанда сәуірдің ортасынан қазан айының алғашқы жартысына дейін 6 айға жуық болады.

Сыртқы сілтемелер

• http://www.birds.kz/species.php?species=451&l=ru Мұрағатталған 14 қаңтардың 2014 жылы.
• Позвоночные животные России: Индийская камышевка Мұрағатталған 24 қыркүйектің 2015 жылы.
• Ортаққорда бұған қатысты медиафайлдар бар: Қызғылтсары Айқабақ