Қыз Данай

Қыз Данай (19 ғ., Жылыой өңірі) - ер- жүрек әйел, Төремұрат батырдың сүйген жары. Тегі жағынан Таз руының Келдібай атасының Жәлімбет бұтағынан. Атастырылған жеріне бармай, сүйгені Төремұрат батырға қосылғаны үшін елден қудаланады, сол кездің оқиғалары «Қыз Данайдың қырғыны» деп аталады. Төремұратпен бірге Хиуаға қашуға мәжбүр болады. Төремұрат қаза тапқан соң, түрікпен тұтқынында болады. Одан қашып шығып, Жылыойға Төремұрат алдаспанын, арғымағын алып келеді, кейіннен Төремұраттың кегін алуға барған Өтен - Нарынбайларға жол көрсетеді. Оған күй атасы Құрманғазы «Қыз Данайдың қырғыны», «Қыз Данайдың күлкісі», «Шай- сандық» т. б. күйлерін арнаған.