Қырмызы (ақын)

Қырмызы (т.-ө. ж. белгісіз) — 19 ғ-дың 2-ші жартсында жасаған ақын қыз. Ақындығымен, әншілігімен аты шыққан. Шығармалары кезінде хатқа түспегендіктен сақталмаған.

Қырмызы — қырғыз елінің Исақ батыр деген атақты адамының қызы. Шешесі Айша - ақын, әрі әнші болған. 19 ғ-дың 60 жылдарында Қырмызы Жетісу өңіріне даңқы жайылған Дәурен сал (Сағышбек) ақынмен өнер жарыстырған. Ақындығы, әншілігі жарасқан екі өнерпаз бірін-бірі ұнатып, қосылған. Сол кезде айтқан Дәурен салдың: «Қош, сау бол, сал қарындас, Қырмызым-ай, Жаһанның таң шолпаны жұлдызым-ай», - деп басталатын өлеңі бар. Қырмызы мен Дәурен Салдың кейбір өлеңдерінің үзінділері Кенен Әзірбаевтың «Аңыздар сыры» атты кітабында (1969) мысалға келтірілген.