Қыршабақты

Қыршабақты — 78 қорғаннан тұратын оба. Жамбыл облысы, Сарысу ауданы, Қыршабақты өзенінің оң жақ жагалауында, Қыршабақтының Шабақты өзеніне құяр жерінен 3 км қашықтықта орналасқан. 1958 ж. Оңт. Қазақстан археол. экспедициясы (А. Г. Максимова) зерттеп, он қорғанды аршыды. Бұл қорғандардың ірге табаны таспен қаланған. Қорғандардың диаметрі 5 м-ден 30 м-ге дейін, биікт. 0,1—2 м. Беті таспен жабылған қабірлерден басы батысқа және шығысқа қаратып жерленген адам сүйектері, ертедегі көшпелі тайпалар тұтынған қыш ыдыстардың т. б. заттардың қалдықтары табылды.