Құйма қорамасы

Құйма қорамасы - құйма өндірісінде құйма жасау үшін пайдаланылатын қорама әбзел. Құйма қораманың ішкі жұмыс қуысына балқытылған қорытпа (металдың және т.б.) құйылады. Қораманың жұмыс қуысында құйылған қорытпа суып қатаяды да құйманың қажетті пішіні мен өлшемдері қалыптасады. Құйма қорама келесі бөлшектерден тұрады: жасалатын құйманың сыртқы беттерін қалыптастыратын қораманың өзінен және құйманың ішкі қуыстары мен тесіктерді қалыптастыратын өзектерден. Құйма қорама бірақ рет пайдаланылатын (бір рет қолданылатын құйма қорама) немесе бірнеше рет пайдаланылатын болып екіге бөлінеді. Құйма қорама келесі материалдардан жасалады: кварцты құм, бентонит, саз-балшық т.б., сонымен қатар металдар. Мысалы кокильмен және қысыммен құю тәсілдерінде қорама металл қорытпаларынан жасалады.