Құйма үлгісі

Құйма үлгісі - құйманы жасау үшін құйма қораманың жұмыс қуысын қалыптастыруға арналған айлабұйым. Әдетте құйма үлгі үлгі жинағының бөлшегі болып есептеледі. Құйма үлгісін жасағанда құйылатын қорытпаның қатайғанда шөгіну қасиетін және құйманы келесі механикалық кесіп өңдеуге қажетті әдіптерді есепке алу керек. Егерде жасалатын құйманың ішкі қуыстары болса онда құйма үлгісінің белгі деп аталатын арнайы шығыңқылары болуы керек. Ол белгіден қалатын қорамадағы таңбалар құйма өзектерін қозғалмай орналастыруына тіректер болып келеді. Әдетте жекедара өндірісте құйма үлгілері ағаштан жасалып беттері сырланады. Жаппай және ірі сериялық өндірісте металдар мен пластмассалардан жасалады. Егерде құйма балқытылатын және газдалатын үлгілер тәсілдерімен жасалса, онда құйма үлгілері бір рет қолданылатын жеңіл балқитын немесе пенопластан жасалады.