Құлжабасы жазуы

Құлжабасы жазуы - Қазақстандағы жартасқа шекілген ежелгі түркі жазуы. Құлжабасы жазуы Отар станциясынан 14 км қашықтықта, Құлжабасы тауындағы өзектің сол жағалауындағы жартастан 1965 ж. табылған. Осындағы бұқа бейнесіне 7 таңба шекілген. Бұқа бейнесінің биіктігі 14 см, тұрқы 24 см. Алғашқы әріптен басқа таңбалар анық көрінеді. Жазудың қазақша мәні: "Екі ара немесе аспан асты бейбітшілік болсын". Бұған қарағанда бұл бұқа бейнесі шаманизмнің алғашқы кезеңінде салынған тәрізді. Археологтер мұндай бейнелерді б.з.б. 1 ғасырға жатқызады.