Құлмағанбет Лекерұлы Есбаев

Құлмағанбет Лекерұлы Есбаев (1930-1994), әдебиет зерттеуші ғалым, белгілі әуезовтанушы. Филология ғылыми кандидаты (1973), доцент (1975). Қазақтың мемлекеттік университетін бітірген (1956). 1956-1963 жылдары Жамбыл мәдени-ағарту училищесінің ұстазы, оку ісінің меңгерушісі, 1963-64 жылдары Қарағанды педагогикалық училищесінің, 1964 жылдан педагогика институттың, ҚарМУ-дін оқытушысы, доценті, кафедра менгерушісі. Есбаевтың әуезовтану тақырыбына ден қоюы оның университет қабырғасында «Абай поэзиясының халықтығы» деген тақырыпта диплом жұмысын қорғауынан басталады. М. Әуезовтің осы диплом жұмысына жазған пікірі «Абайтанудан жарияданбаған материалдар» атты кітапта (1988) жарық көрді. Әуезов қудаланған шақта жанын ұғып, жанынан табылды. Өзінің саналы өмірін ұлы ұстазының шығармашылығы мен мұрасын зерттеп, насихаттауға арнаған шәкірт «М. О. Әуезовтің эстетикалык көзқарасы» деген тақырыпта кандидатгык диссертация корғайды. ҚарМУ-де «Мұхтартану» атадатын арнаулы курстын негізін қалады. 1987 жылы М. Әуезовтің 90 жылдығына орай Қарағанды университетінде республикалық деңгейдегі ғылыми-теориялык конференция өткізді.