Құлындау, құлындату

Құлындау, құлындату - (ожеребиться, выжеребка) - қалыпты жағдайда өткен бие буаздығының соңыңда құлынның тууы. Бие буаздығының ұзақтығы, орта есеппен, 335 күн (11 ай) созылады. Бие құлындауына бірнеше күн қалғанда желіні дөңгелектеніп үлкейіп, емшектері ісініп, екеуі екі жаққа қарай делдиіп бағытталады. Бие құлындар алдында емшектерінің ұшында уыздың тамшылары, сыртқы жыныс мүшесінен (сарпайынан) сұйық шығады, тыпыршып, мазасызданып, бір тұрып, бір жатады. Құлындау кезіңде бие аяқтарын созып жатады, 2-3 минут сайын күшенеді. 20-40 минут аралығында ешкімнің көмегінсіз-ақ құлын туады. Бие көбінесе түнде құлындайды. Бие құлындату көктемде жүргізіледі.