Құмар (ұлттық ойын)

Құмар (ұлттық ойын).Бұл балалар құмарлана ойнағандықтан "құмар" атанған. Бұған кемінде 2 не 4 адам қатысады. Ойыншы төртеу болса тіпті қызық болады. Мұны ересек адамдарда ойнаған. Ойын шарты мен тәртібі былай: Ойынға қатысқандар, мысалы, 4 адам (бала) алдымен жүлде тігеді. Жүлдеге қозы, лақ немесе жеп-жеңіл зат, мүлік, аздап ақша да тіге береді. Ойынға қатысушылардың 4 асығы болады. Олар асықты кезектесіп иіреді немесе барлық 4 асықты қоса шашады. Иірген (әрине асықты кезек-кезек бір-бірлеп иіреді) асықтар 4 тәйке, 4 алшы, 4 бүк, 4 шік түссе белгіленген жүлденің жартысын алады. Егер 4 асық төрт түрлі түссе жүлені түгел алып кетеді. Одан кейін жүлде қайта тігіледі де, ойын одан әрі жалғастырылады. Ойын уақытын ойыншылар өздері белгілейді. Құмар ойынын бақсы, балгерлер бал ашуға да пайдаланған.[1]

ДереккөздерӨңдеу

  1. Қазақтың салт-дәстүрлері мен әдет-ғұрыптары, Атамұра