Құмбетеге

Құмбетеге (лат. Festuca beckeri) – астық тұқымдасының бетеге туысына жататын көп жылдық шөптесін өсімдік.

Құмбетеге
Ғылыми топтастыруы
Дүниесі: Өсімдіктер (unranked) Дара жарнақтылар (unranked) Commelinids Сабы: Poales Тұқымдасы: Poaceae Кіші тұқымдасы: Pooideae Тайпасы: Poeae Тегі: Festuca Түрі: F. beckeri
Екі-есімді атауы
Festuca beckeri (Hack.) Trautv.

Ботаникалық сипаты

• Биіктігі 30-80 см. Қалың өсіп шымға айналады.
• Сабағы жоғарғы жағында түкті.
• Жапырақтары қатты, ширатылып немесе ұзыннан қабатталып өседі.
• Гүлшоғыры - сыпыртқы, ұзындығы 14 см.
• Масақшасы 4-6 гүлді, сұр жасыл түсті. Мамыр-шілде айларында гүлдейді.

Өсетін орны мен таралуы

Құмбетеге Ресейдің еуропалық бөлігінде және Батыс, Шығыс Сібірдің қоңыржай белдеуінде, Кавказда, Финляндияда, Швецияда, Данияда, Шығыс Еуропаның кейбір жерлерінде кездеседі. Қазақстанда Ертіс алабында, Каспий теңізі жағалауында, Ақтөбе облысының құмды бұйраттарында, сортаңдау топырақты құмайт далада өседі.