Құраншылар
Құраншылар (құраниттер) — Сүннетті мойындамай, тек қана Құранға еретін Исламдағы ағым (топ). Бұл ағымның негізін салушы - тегі арабтан шыққан америкалық Рашад Халифа деген кісі.Олар Сүннетте қателер бар, кей жерде Құранға «қайшы келеді» деп, Сүннетке еруді парыз санамайды, оны ойдан шығарылған санайды. Мұсылман ғалымдары бұл пікірлерді адасу санап, Сүннетсіз намаз, ораза, зекет секілді құлшылықтар мен басқа да үкімдерді реттеу мүмкін еместігін айтады[1]. Аллаһ Құранда айтқан:
Адамдарға түсірілген затты баяндау үшін саған (яғни Мұхаммед ﷺ пайғамбарға) зікірді түсірдік, мүмкін олар ойланатын шығар
—Нәхл сүресі, 44-ші аят