Құрастырылған және тұрмыс білдектері

Құрастырылған және тұрмыс білдектері (орыс. комбинированные и бытовые станки) — әдетте кішігірім ағаш өңдеу өндірістерінде және тұрмыста құрастырылған және әмбебапты білдектер мен электрленген қол құралдар қолданылады. Бұл білдектер құрастырылған және әмбебап болып бөлінеді. Құрастырылған білдектерде сүргілеу, бойлай және көлденең аралап кесу, бұрғылап тесу — ойық жасау, беттерді жоңғылау, ажарлау жұмыстары орындалады. Бұл білдектер машина жасау өндірісінің үлгі цехтарында, ағаш шеберханаларда және жөндеу алаңшаларында пайдаланылады. Құрастырылған білдектерде келесі операциялар орындалады: 1) сүргілеу және дайындамаларда белгіленген орнықтандыру сызықтарға параллельді белгі сызықтарды таңбалау: өнделетін дайындаманың өлшемдері: ең үлкен ені 250 ... 400 мм, қалыңдығы 5 ... 160 мм, ең кіші ұзындығы 300 мм, 2) аралап кесу: өңделетін дайындаманың өлшемдері: ең үлкен ені 120 ... 140 мм, қалындығы 5 ... 100 мм; 3) жоңғылау: өңделетін дайындаманың өлшемі: қалындығы 5 ... 150 мм; 4) ажарлау: өңделетін дайындаманың өлшемдері: ең үлкен ені 100 мм, қалыңдығы 12 ... 100 мм; 5) бұрғылап тесу, ойық; жасау; өңделетін дайындаманың өлшемі: қалыңдығы 20 ... 100 мм. Әмбебапты тұрмыстық білдектерде әртүрлі үйлестіру әдістері мен келесі жұмыстарды орындауға болады: бойлай, көлденең және бұрышпен тілгілеу, бұрғылай тесу, дайындамалардың қабаттарын және жиектерін жоңғылау, ойықтарды, тығын тарақтарды, типті байланыстарды жоңғылау, ажарлау, жону, кескіш құралдарды қайрау. Өңделетін дайындаманың өлшемдері: 1) тілгілегенде — ең үлкен қалыңдығы 50 мм, ең үлкен ені 250 мм, ең кіші ұзындығы 250 мм; 2) жоңғылағанда — ең кіші қалыңдығы 5 ... 10 мм, ең үлкен ені 140 ... 200 мм, ең кіші ұзындығы 250 мм, алынатын қабаттың ең үлкен калыңдығы 3 ... 4 мм; 3) ширектік, тарақты тығындар мен және жәшіктік тисктермен қосылыстарды жоңғылағанда дайындамалардың өлшемдері: ең үлкен ширектің 20 х 20 мм, ең үлкен тығынның 8x8 мм, жәшіктік тиектің 8 х 15 мм; 4) ажарлаудың ең үлкен ені 80 мм.