Құрманғазы атындағы көше (Алматы)

 Басқа мағыналар үшін Құрманғазы (айрық) деген бетті қараңыз.

Көшеге қазақтың XIX ғасырда өмір сүрген дәулескер күйшісі, халық композиторы, «Күй атасы» атанған Құрманғазы Сағырбайұлының есімі (1957(қолжетпейтін сілтеме) жылы) беріл ген. Құрманғазы Сағырбайұлы (1806-1878) Орал облысында дүниеге келген. Ол - «Сарыарқа», «Балбырауын», «Адай» т.б. музыкалық шығармалардың авторы. Көше Медеу, Алмалы аудандарын қиып өтеді. Алматы өзенінен басталып, Розыбакиев көшесіне дейінгі аралықта созылып жатыр. Көше екі бағытты жол болып есептеледі. Бұрынғы атауы - Артиллерийская. Көшенін ұзындығы - 4650 метр. Көше бойында «Ұлар» галереясы, Қалалық медицина колледжі, Д.А.Қонаев атындағы гуманитарлық университеті, Қазақстанның Ғылым академиясы. Ғалымдар Үйі (1950 жылы салынған. Сәулетшілер: В.Экк., М.Павлов, М.Зонцов, Н.Белоусова), Достық Үйі (ғимарат 1972 жылы салынған. Сәулетшілер: Р.СейдаЙйн, Л.Тимоченко) орналасқан. Сонымен қатар көшеде А.С.Пушкиннің ескерткіші (мүсінші: А.Бичугов. 1999 жылы) ақынның 200 жылдық мерейтойына орай орнатылған. Бюстің биіктігі - 4,5 метр.