Құрманғалиев атындағы көше (Алматы)

Көшеге қазақтың әншілік өнеріндегі жарқын құбылыс, композитор, Қазақ КСР-інің халық әртісі Ғарифолла Құрманғалиевтің есімі (Алматы қаласы әкімінің 24.09.1998 № 926 шешімі) берілген. Құрманғалиев Ғарифолла (1909-1993) Батыс Қазақстан облысы Қаратөбе ауданы Ақкөл ауылында дүниеге келген. Оның орындауындағы «Бозжорға», «Үлкен айдай», «Ақ кербез», «Он алты қыз», т.б. әндер Қазақстанның алтын қорына енді. Ол «Ақ Жайық», «Нұржамал», «Аққу» т.б. әндер шығарған. Қазақ саз өнерінде Құрманғалиевтің әншілік мектебі қалыптасқан. Көше Медеу ауданында орналасқан. Қабанбай батыр көшесінен басталып, Бекқожин көшесіне дейін созылып жатыр. Көшенін ұзындығы - 450 метр.