Құртқамамай

Құртқамамай— Ұлы жүз Албан тайпасының құрамындағы рулар бірлестігі.

Ботпай руынан шыққан Диқанбай батырдың шежіресі бойынша, Албанның Шыбыл тармағынан — Қызылбөрік, Қоңырбөрік, Боти, Бойдақ; Ботидан — Құртқамай; Бойдақтан — Мамай. Бүл аталар Қоңырбөрікпен (Өтей) бірігіп Қоңырбөрік атанған. Ал Құртқамай, Мамай есімдері бір атауға айналып, Құртқамамай делінген. Мамайдан Өтеміс, Сәду, Базар, Бәтшебатыр; Құртқадан Сағындық, Қалматай, Оспантай, Тоғызақ деген аталар тарайды. Бұлар Октябрь революциясына дейін қазіргі Шымкент облысы, Ленгер ауданының Бадам бойын, Өзбекстанның Бостандық ауданының Жоғарғы Шыршық бойын мекендеген. 19 ғ-дың аяқ шенінде 400 түтін болган. Ұраны — Өтей, Райымбек, таңбасы о (дөңгелек).