Құтан тұқымдасы

Құтан тұқымдасы (Аrdеidае) - 62 түрден құралған 14 туысты дегелектәрізділер отрядына жататын құстар түқымдасы Қазақстанда 7 туыстан(көкбұқа туыстас, оқпан туыстас, құтан туыстас, сабалаққұтан туыстас, сарықұйрық құтан туыстас және аққұтан туыстас) 9 түрі кездеседі. Олардың дене мөлщері 150 грамнан(оқпан) 2 килоға дейін(көк құтан) болып келеді. Құтандар туысына тұмсығы тік, әрі ұзын болатын біршама ірі құстар жатады. Тұмсығы екі жағынан қысыңқы және жиегінде ұсақ тісшелері болады. Көпшілігі топталып жүреді. Бұлар ұяларын ірі ағаштарға немесе қалың қамыстарға салады. Қоректері көбінесе балықтар, амфибилер, шаян тәрізділер және жәндіктер. Оларды судан аулайды. Кәдімгі көк құтан (Аrdеа cinerea ) біздің фаунамызда орта және оңтүстік облыстарда көбірек кездеседі. Үлкен ақ құтан (Еgrеttа аІbа) біршама назар аударарлық. Оның түсі жынысына, жасына және жыл маусымына қарамастан үнемі ақ түсті болады. Күй салтанаты кезінде арқасын қуалай құйрық қанатының үстіне дейін жалданып ұзын қауырсындар “эгретка” немесе “эспри” пайда болады. Бұрынғы КСРО-ныӊ Европалық бөлімнің оңтүстігінде, Кавказда, оңтүстік-батыс Сібірде, бүкіл Орта Азия мен Қиыр Шығыстың қолайлы жерлерінде ұялайды. Зиянды жәндіктерді құртып, ауыл шаруашылығына аздап пайдасын тигізеді.

Аrdеidае