Үнтаспа

Үнтаспа (музыкальная кассета) - XX ғасырдың екінші жартысында кеңінен тарала бастаған ақпарат(дыбыс, әуен) тасушы магнитті таспа. Ол дыбысты жазу және сандық ақпаратты сақтауға қолданылған. Жазба оған ені 3,81 мм, қалыңдығы әдетте 9-27 мкм болатын екі (моно) және төрт (стерео) магнитті таспада жүзеге асырылады. Таспаның қалыпты қозғалу жылдамдығы тыңдау барысында 4,76 см/с-қа тең. Ол 240 минуттық ақпаратты бойында ұстауға бейім болған. Көбіне магнитофондарда, музыкалық жүйелерде, кейбір музыкалық аппаратураларда және сирек компьютерлерде тыңдауға болады.

Үнтаспа

Тарихы

Үнтаспа алғаш рет 1963 жылы Philips корпорациясында көрсетілген. Ол ұзақ уақыт бойы ең танымал аудиотасушы құрал ретінде қолданылды, салыстырмалы түрде бағасы арзан және өте ыңғайлы болатын. Таспаны, яғни, лентаны шектен тыс айналдырғанда үнтаспаның сапасы нашарлап, тез тозуға бейім болады. Оны лентаның шырмалып қалуынан білуге болады. Алайда, XXI ғасырдың басында компакт-дискілер шығып, оның қолданыс аясы тарылды.