Үсігу, асығып-үсігу

Үсігу, асығып-үсігу. Түсіндірме сөздіктегі мағынасы — асып-сасу, сасқалақтау. «...өзі де асығып-үсігіп киініп жатыр» (Ө. Қанахин, Ауыр күн.). Біздің тілімізде «үсігу» сөзі жеке тұрып қолданылмайды да, дербес мағынасы да жоқ. Алайда, хақас тілінде «үстік» сөзі жеке тұрып-ақ біздегі «асығу» мағынасын меншіктене алады. Ал якут тілінде осы тұлғаның метатеза құбылысы нәтижесінде сәл өзгерген түрі — «ыксаа» сөзінің де мағынасы қазақ тіліндегі «асығумен» бірдей.Осыларды есепке алсақ, «асығып-үсігу» бір ғана мағынаны қайталап тұрған болады. Яғни «асығып-асығып».