Үш электродты электрондық шам өңдеу

Электрондық шамдағы тоқты басқаруды ыңғайлы ету үшін катод пен анодтың арасында орналастырылған қосымша тор деп аталатын электродты пайдаланады. Торды катодқа жақын орналастырады, сондықтан тор мен катод арасына түсірілген аз ғана кернеудің өзінде-ақ, олардың арасында электр өрісі пайда болып, ол шамның анодтық тогына күшті әрекет етеді. Торды катодтың маңайында аз саңылау қалдырып, сымнан оралған ширатылым (спираль) түрінде жасайды. Ал анод тұтас цилиндрлік бет, ол тор мен катодты қоршап тұрады. Торы бар электрондық шамды үш электродты электрондық шам немесе триод деп атайды, оның шартты белгілері: А - анод, К - катод, Т - тор.Тордың потенциалы катодқа қатысты әрқашанда теріс болады.