Ұзынтұмсықты шығыс дельфині

Ұзынтұмсықты шығыс дельфині Тынық мұхитының Шығысында, Мексика жағалауында және Орталық Америкада өмір сүреді.

Биологиялық сипаттамасы

• Ұзынтұмсықты Шығыс дельфинінің ұзындығы- 1,8 метр, ал салмағы 61 кг дейін жетеді. Оның ұзын және жіңішке тұмсығы бар. Ол негізінен, балық және кальмармен қоректенеді. Басқа ұзынтұмсықты дельфиндерге қарағанда, бұл дельфиндер терең суда, яғни жүздеген шақырым қашықтықта жүзгенді ұнатады.
• Ұзынтұмсықты Шығыс дельфині тобында 1000- ға жуық дельфин болады. Олар көбіне сары қанатты тунец балықтарының үстінен жүзеді. Бұл қылығын адамдар өз пайдасына жаратады: балық аулайтын кемелер Ұзынтұмсықты Шығыс дельфиндерін өз бақылауында ұстайды. Ұзынтұмсықты дельфиндер теңіз бетінде секіріп, бір орнында шыр айналдырып ойнайды. Олардың бұл қылығына тамсанбау мүмкін емес. Ұзынтұмсықты Шығыс дельфиндер бір жерге қоныстанса, сол жерде көп уақыт тұрақтап қалады. Дельфиннің бұл түріе тропиктік жерлерде, Калифорнияның солтүстігі мен Перудың оңтүстігінен кездестіруге болады. Олар басқа дельфиндермен жай көңіл көтеру үшін бірігеді. Көптеген дельфиндер тунец балығын аулап жатқанда торға түсіп қалады. Бір кездері осындай жайлардын кесірінен олардың біразы қырылып қалған.