Ұзын өркенді өсіру
Ұзын өркенді өсіру — өркені ұзын болып келетін өсімдіктердің (жүзім, жеміс-жидек, көкөніс және әсемдік үшін өсірілетін өсімдіктер) өркенін өсіру әдісі. Бұл әдіс жүзім өсіруде кең қолданылады. Ұ. ө. ө. үшін биіктігі және жуандығы әр түрлі бағана қазыққа сым немесе жіп тарту арқылы бірнеше қатар желі жасалады. Тіректі тік, көлбеу, көлденең, екі қатар етіп орнатады. Ұзын өркендерді бір немесе екі қатарға орналастырғанда оларға күн сәулесі жақсы түсіп, топырақ жақсы қызады және күтіп баптауға, өнім жинауға қолайлы келеді. Желінің биіктігі әр түрлі (аласалары 40 — 120 см, биігі 150 — 250 см), оларға аралығы 40 — 50 см болатын 1 — 5 қатар сым тартылады. Қазақстанның оңт. облыстарында қалқанды аспа қолданылады. Аласа ағаштардың өркенін тік (шабдалы, алхоры, т.б.), жеміс ағаштарын еңістеу тірек қойып өсіруге болады. Жайылып өсетін өркендерді біркелкі жалпақ қатарда өсіреді. Қияр, қызанақ, баклажан, т.б. бір жылдық көкөніс дақылдарының өркенін тік тіректе өсіру әдісі кең таралған. Ұ. ө. ө. әдісі әсемдік үшін өсірілетін өсімдіктерге де қолданылады.
Дереккөздер
өңдеу«Қазақстан»: Ұлттық энцклопедия / Бас редактор Ә. Нысанбаев – Алматы «Қазақ энциклопедиясы» Бас редакциясы, 1998 жыл. ISBN 5-89800-123-9, VIII том
| Бұл мақалада еш сурет жоқ.
Мақаланы жетілдіру үшін қажетті суретті енгізіп көмек беріңіз. Суретті қосқаннан кейін бұл үлгіні мақаладан аластаңыз.
|
| Бұл мақаланы Уикипедия сапа талаптарына лайықты болуы үшін уикилендіру қажет. |