Уикипедия

ҰларҮміт

«ҰларҮміт» жинақтаушы зейнетақы қоры» акционерлік қоғамы (бұдан әрі – «ҰларҮміт» ЖЗҚ» АҚ немесе Қор) – Қазақстан Республикасында зейнетақы реформасын жүргізу барысында 1997 жылғы 27 қарашада құрылған және № 0000001 лицензиясын алған Қор.

«ҰларҮмiт» ЖЗҚ» АҚ – Қазақстанның әрекеттегі жинақтаушы зейнетақы қорларының ішіндегі жетекшілер үштігіне кіретін жүйе құрушы қорлардың бірі, сондай-ақ, мемлекеттік қатысуы бар Қор болып табылады. Қазіргі уақытта Қордың ірі акционері - «БТА Банкі» АҚ, ол өз алдына «Самұрық-Қазына» ҰӘҚ» АҚ-ның бақылауында.

Кастодиан-банкі «Қазақстан Халық жинақ банкі» АҚ

  • № 0000001 лицензия Қазақастан Республикасы Қаржы нарығын және қаржы ұйымдарын реттеу мен қадағалау агенттігімен 2005 жылғы 20 маусымда берілді (зейнетақы жинақтарын тарту және зейнетақы төлемдерін жүзеге асыру бойынша қызметі)
  • № 3.2.1./42 лицензия 2010 жылғы 31 мамырда берілді, бағалы қағаздар нарығында қызметті жүзеге асыру құқығы (зейнетақы активтерін инвестициялық басқару бойынша қызметі)

Тарихы

өңдеу

1997 жыл. Қазақстан Республикасы Үкіметінің «Қазақстан Республикасында зейнетақымен қамсыздандыру жүйесін реформалау концепциясын бекіту туралы» Қаулысы қабылданғаннан кейін біздің Қордың акционерлері бірінші болып бұл идеяға қолдау көрсетті және жинақтаушы зейнетақы қорын құру жөнінде стратегиялық шешім қабылдады. Осылайша, республиканың қаржы нарығында бірінші корпоративтік жинақтаушы зейнетақы қоры – «Қазақтелеком–Үміт» пайда болды. Бірінші қазақстандық қор зейнетақы жарналарын тарту және зейнетақы төлемдерін жүргізу қызметі бойынша № 0000001 мемлекеттік лицензиясын алды. «Қазақтелекомның» бүкіл ұжымы Қордың салымшыларына айналды.

1998 жыл. Акционерлермен Қорды «Үміт» ашық жинақтаушы зейнетақы қоры ретінде қайта ұйымдастыру туралы шешім қабылданды.

2000 жыл. Кәсіподақтар Федерациясының БЖЗҚ «Үміт» ЖЗҚ--ға қосылды.

2001 жыл. «Ұлар» ЖЗҚ және «Үміт» ЖЗҚ акционерлері «ҰларҮміт» ЖЗҚ» ЖАҚ деген атаумен елдегі ең ірі екі қорды тепе-теңдік негізінде біріктіру жөнінде стратегиялық шешім қабылдады. Бірігу мақсаты - зейнетақы саласында жоғары кәсіби қызмет көрсетудің заманауи талаптарына жауап беруге қабілетті, қуатты қаржы және әлеуметтік институт құру идеясы болды. Осы уақыттан бастап біріккен бренд ретінде «ҰларҮміт» жинақтаушы зейнетақы қорының даму тарихындағы жаңа кезеңі басталды. 2005 жыл. Жарғының жаңа редакциясының қабылдануына байланысты «ҰларҮміт» жинақтаушы зейнетақы қоры» жабық акционерлік қоғамы - «ҰларҮміт» жинақтаушы зейнетақы қоры» акционерлік қоғамы болып атауын өзгертті. «ҰларҮміт» жинақтаушы зейнетақы қоры» АҚ салымшыларының зейнетақы жинақтары 100 млрд. теңгеден асты.

2009 жыл. «ҰларYмiт» ЖЗҚ» АҚ тарихта алғашқы рет жинақтаушы зейнетақы жүйесінің жұмысын жетілдіруге бағытталған қосымша әрекеттерді жүзеге асырып, салымшылардың мүдделері үшін Қор жұмысының сапасын жаңа деңгейге көтерді. Қор алғашқы болып: - инвестициялық қоржынның құрылымын толығымен ашты. «ҰларҮміт» ЖЗҚ» АҚ инвестициялық қоржынының құрылымын ерікті жариялау бастамасының арқасында, Қазақстан Республикасы Ұлттық Банкінің Қаржы нарығын және қаржы ұйымдарын бақылау мен қадағалау комитеті тұлғасында реттеуші осындай талапты басқа ЖЗҚ-лар үшін де енгізді. Инвестициялық қоржынды міндетті толықтай жариялау БЖЗҚ құрылғаннан кейін де сақталды. - комиссиялық сыйақының үдемелі шәкілін қолданды: Қордың комиссиялық сыйақысы көп жылдар бойы салымшылар үшін кіргізілген табыстылықтың деңгейіне тәуелді болды. - есептік саясатта: Қор инвестициялық қоржынын толығымен нарықтық құны бойынша бағалауды жүзеге асырды.

2010 жыл, маусым. Қазақстан Республикасы Қаржы нарығын және қаржы ұйымдарын реттеу мен қадағалау агенттігі «Қорғау» ЖЗҚ» АҚ-ның активтерін, активтер көлемінің жеткіліктілігі, өтімділігі, тұрақтылығы бойынша талаптарға сәйкес келетін және мемлекеттік қолдауға ие «ҰларҮміт» ЖЗҚ» АҚ-на беру туралы шешім қабылдады.

2010 жыл, желтоқсан. «ҰларҮміт» ЖЗҚ» АҚ басқару жүйесінің ISO 9001-2008 стандартының талаптарына сәйкестік сертификатына ие болды.

2011 жыл, мамыр. «БТА Қазақстан» ЖЗҚ» АҚ-н Қорға қосу арқылы «ҰларҮміт» ЖЗҚ» АҚ-н қайта ұйымдастыру жүзеге асырылды, ол республикамыздың қаржы қызметі нарығының зейнетақы сегментіндегі «ҰларҮміт» ЖЗҚ» АҚ үлесінің 20%-ға дейін ұлғаюына алып келді.

2012 жыл. «ҰларҮміт» ЖЗҚ» АҚ - мемлекетіміздің барлық аймақтарындағы салымшыларға қызмет көрсететін 21 филиал мен 140 бөлімшеден тұратын кең таралған желілердің бірін құрды. Ұзақ мерзімді мемлекеттік қарыз алу саясатын қалыптастыруды, сондай-ақ мемлекеттік-жеке әріптестік жобаларына инвестициялауды қарастыратын зейнетақы активтерін инвестициялаудың тиімділігін арттыру бойынша ұсыныстар жасады.

Қызметін бастаған кезеңнен бері Қорда 4 мыңнан астам жоғары дәрежелі өз ісінің мамандары жұмыс істеді.

Көрсеткіштер

өңдеу

2014 жылғы 1 қаңтардағы жағдай бойынша

  • Зейнетақы активтері: 442, 957 млрд. теңгеден астам (шамамен 2,86 млрд. АҚШ дол.)
  • Салымшылар саны: 1 377 357 адам
  • Есептелген инвестициялық кіріс: 121,151 млрд. теңге (шамамен 781,6 млн. АҚШ дол.)
  • Қызметін бастаған кезеңнен бергі зейнетақы төлемдері: 66,7 млрд. теңгеден астам (шамамен 430,4 млн. АҚШ дол.)
  • Меншікті капитал: 14,768 млрд теңге (шамамен 95,3 млн. АҚШ дол.)
  • Жарғылық капитал: 11,812 млрд. теңге (шамамен 76 млн. АҚШ дол.)

Акционерлер

өңдеу

Қордың даму тарихында оның акционерлері ретінде ірі табысты компаниялар болды: 1997 жылы бірінші акционері «Қазақтелеком» АҚ, содан кейін жетекші банктер, қаржылық және өнеркәсіптік компаниялар. 2010 жылдан «ҰларҮміт» ЖЗҚ» АҚ-ның негізгі акционері болып «БТА Банкі» АҚ табылады.

Басшылық

өңдеу

2011 жылғы қарашадан

  • Басқарма Төрағасы болып Дәулет Мухтарович Сахипов табылады
  • Басқарма мүшелері:
    • Айгуль Толеухановна Дусалиева,
    • Максим Владимирович Бычков

Директорлар кеңесі

өңдеу
  • Анвар Галимуллаевич Сайденов (Төраға),
  • Азамат Мырзаданович Жолдасбеков (тәуелсіз директор),
  • Малик Тулеубекович Есенбаев

Сыртқы сілтемелер

өңдеу
«https://kk.wikipedia.org/w/index.php?title=ҰларҮміт&oldid=3236354» бетінен алынған