Ұмсын Әбиболлақызы Балабиева

Ұмсын Әбиболлақызы Балабиева 1960жылы 11 ақпанда Қызылорда облысының Жаңақорған кентінде туған. Қазақ.

Ұмсын Әбиболлақызы Балабиева
Дүниеге келгені:	1960 ақпан Қызылорда облысы
Мансабы:	Алматы облыстық Жұмыспен қамту және әлеуметтік бағдарламаларды үйлестіру басқармасының бастығы

Әкесі - Балабиев Әбиболла, аудандық комсомол комитетінің хатшысы, Қызылорда облысының бірқатар аудандарында аудандық партия комитеттерінің хатшысы, Қызылорда облыстық партия комитеті меңгерушісінің орынбасары болып жұмыс істеген. Анасы - Сманова Алмаш Мақұлбекқызы, зейнеткер, сауда саласында жұмыс істеген.

Алматы халық шаруашылығы институтының жоспарлаужабдықтау факультетін бітірген (1983), экономист. Облыстағы көрсетілетін әлеуметтік көмек түрлері мен тұрғындарға қолдау көрсету тақырыбындағы 15 мақаланың авторы. Қазақ және орыс тілдерін біледі. «Аманат ХДП мүшесі.

1977 жылдан - Сырдария аудандық баспасының қолмен теруші шәкірті (Қызылорда облысы).

1983 жылдан - Қызылорда облыстық атқару комитеті еңбек бөлімінің экономисі.

1986 жылдан - Алматы облыстық атқару комитетінің еңбек бөлімінің экономисі.

1988 жылдан - Алматы облыстық Еңбек және жұмыспен қамту бас басқармасында еңбек жағдайларын және жалақы шарттарын нормалауды ұйымдастыру секторының аға экономисі;

1991 жылдан - еңбек жағдайлары мемлекеттік сараптамасының 1-ші дәрежелі маманы, 1992 жылдың наурызынан - жетекші маманы.

1993 жылдан - Алматы облыстық жұмыспен қамту орталығының еңбек бөлімінің бас маманы,

1994 жылдан - еңбек нарығы мен жұмыспен қамту бағдарламаларын талдау бөлімінің бастығы,

1997 жылдың наурызынан - еңбек нарығын және жұмыспен қамту бағдарламаларын болжау секторының меңгерушісі,

1997 жылдың шілдесінен - ақпараттық жүйелер бөлімінің бастығы.

1999 жылдан - Алматы облыстық әкімдігі Еңбек және халықты әлеуметтік қорғау басқармасы тұрғындарды жұмыспен қамту мәселелері жөніндегі бөлімінің бас маманы.

2002 жылдан - Алматы облыстық әкімдігі Еңбек және халықты әлеуметтік қорғау басқармасының өмір сүру деңгейі төмен және нашар қамтамасыз етілген отбасыларға әлеуметтік қолдау көрсету бөлімінің бастығы.

2005 жылдан - Алматы облыстық Жұмыспе қамту мен әлеуметтік бағдарламаларды үйлестіру басқармасының әлеуметтік нормативтер және халыққа әлеуметтік көмек көрсету бөлімінің бастығы.

2006 жылдан - Алматы облыстық Жұмыспен қамту мен әлеуметтік бағдарламаларды үйлестіру басқармасы бастығының орынбасары.

2010 жылдың мамырынан бері - Алматы облыстық Жұмыспен қамту және әлеуметтік бағдарламаларды үйлестіру басқармасының бастығы.

«Қазақстан Республикасының тәуелсіздігіне 10 жыл» медалімен марапатталған (2001).

Саяси қайраткер ретіндегі идеалы - Н.Ә. Назарбаев. Қазақстанның болашағы туралы болжамы - «Көшбасшы мемлекеттер тобына кіретін жоғары дамыған ел». Хоббиі - аспазшылық, гүл өсіру. Сүйіп оқитын әдебиеті - проза.

Тұрмыс құрған. Жұбайы - Жақсыбаев Қалмұрат Сәдуа- қасұлы. Ұлы -Жақсыбаев Олжас Қалмұратұлы (1989 ж. т.), Алматы облысы бойынша Қазынашылық департаментінің жетекші маманы.