Ұштағыш

Ұштағыш — қарындаштың ұшталуын жеңілдететін құрал. Ұштағыштың көп түрлері бар - қол, қалта немесе қаламсауытта ұстайтыннан бастап, кеңсе үстеліне қойылатын үлкен өлшемдегі түріне дейін бар. Қазіргі ұштағыштарда қалдық салатын арнайы қалта бар. Ұштағышта қарындашты айналмалы түрде ұштайтын кескіші болады.

Тарихы

Арнайы ұштағышқа дейін қарындашты пышақпен ұштаған.Ал қазіргі ұштағышпен ұштаған әлдеқайда оңай және біркелкі ұшталады. Әдетте ұсталық қарындаш сияқты кейбір арнайы қарындаштардың түрлері пышақпен де ұштала береді.

Француз математигі Бернард Лассимон 1828 жылы бірінші болып қарындашқа арналған ұштағышты патенттеді. Ал 1855 жылы алғашқы американдық қарындашқа арналған ұштағышты патенттеген бангорлық Уолтер К. Фостер болған. Офиске арналған электронды ұштағыштар 1917 жылы шықты.

Қазіргі таңда ұштағыштардың көлемі де, түстері де әртүрлі болып келеді.

Ортаққорда бұған қатысты медиа файлдар бар: Category:Pencil sharpeners