Ұшқыштарды дайындау

Ұшқыштарды дайындау (Летная подготовка) — авиацияның ұшқыштар құрамын әскери дайындықтан өткізудің негізгі түрі. Оған ұрыстық және арнайы міндеттерді ойдағыдай орындауға арналған ұшу практикасының арнайы мәселелері (ұшу, қону, ұшақты әуеде басқару), құралдар (аппаратура) мен ұшақтың қаруларын қолдануды меңгеру қамтылады. Ұшқыштарды дайындау ұшу бөлімдері мен бөлімшелерінің ұрысқа үнемі дайын болуын, сондай-ақ ұшқыштар құрамының біліктілігін үздіксіз көтеріп отыруын қамтамасыз етеді.