Ұңғыма кескінметриясы

Ұңғыма кескінметриясы. Ұңғыма оқпаны көлденең қимасының мөлшерлері мен пішіндерін және олардың тереңдеген сайын өзгеру сипаттарын анықтау. Ұңғыма кескінметриясының екі түрі белгілі, олар — "тік бағыттағы ұңғыма кескінметриясы" және "көлбеу бағыттағы ұңғыма кескінметриясы" Тік бағыттағы барысында ұңғыма оқпаны диаметрінің өзгерістері бір-біріне перпиндикуляр бағытта тіркеліп отырады. Тиянақты зерттеулер жүргізу барысында көлбеу бағыттағы Ұңғыма кескінметриясы да қолданылады. Бұл әдісті қолдану барысында ұңғыма оқпанының әрбір нүктесінде оқпан радиусы сегіз бағытта өлшенеді, сөйтіп оқпанның орналасу бағыты магниттік полюс тұрғысынан бағдарланады. Ұңғыма кескінметриясының екі түрін бірдей қолдану тиімді. Тік бағыттағы Ұңғыма кескінметриясының нәтижелері ұңғыма оқпанындағы ұралардың қалыптасті белдемдерін анықтауға көмектессе, көлбеу бағыттағы Ұңғыма кескінметриясы көмегімен сол ұралы белдемдер деңгейіндегі ұңғыма оқпанының көлденең қимасына тән пішіндфі мен мөлшерлер анықталады. Синонимі — "ұңғыма шығынметриясы ".