Әбдіғаппар Ділманов көшесі (Астана)
Әбдіғаппар Ділманов көшесі (Астана) - Бұрынғы атауы М.Фрунзе көшесі. Ә.Ділманов көшесі Мәскеу көшесінен басталып, Жеңіс даңғылында аяқталады. Домбыралы, Бестерек көшелерімен қиылысады. Ұзындығы - 590,5 м. Әбдіғаппар Төребайұлы Ділманов 1977 жылы 22 желтоқсанда Қызылорда қаласында дүниеге келген. 1994-1998 жылдары Қорқыт ата атындағы Қызылорда мемлекеттік университетінің экономика факультетінде оқып бітірді. Алматы қаласындағы милицияның арнаулы отрядында әскери борышын өтеген соң (1998-1999), Астана қаласындағы милиция мектебінде оқыды (1999-2000). 2000-2001 жылдары Президент әкімшілігі мен Үкіметті қорғау батальонында инспектор қызметін атқарды. 2001 жылдың 1 наурызынан бастап жергілікті жерде тәжірибе жинақтау мақсатымен Астана қаласындағы Алматы аудандық ішкі істер басқармасының учаскелік инспекторы қызметіне ауысады. Әбдіғаппар Ділманов 2001 жылы 14 мамыр күні Астана қаласында қауіпті бұзақыларды ұстау барысында ерлікпен қаза табады.[1]
Дереккөздер
өңдеу- ↑ Астана көшелері /Құрастырушы: Е. Тілешев, О. Сүлейменов. Алматы: 2008. ISBN 9965-32-642-8
| Бұл мақаланы Уикипедия сапа талаптарына лайықты болуы үшін уикилендіру қажет. |
| Бұл мақалада еш сурет жоқ.
Мақаланы жетілдіру үшін қажетті суретті енгізіп көмек беріңіз. Суретті қосқаннан кейін бұл үлгіні мақаладан аластаңыз.
|
Сыртқы сілтемелер
өңдеу- Астана қаласының жоспар-кестесі анықтамалық онлайн картасы Мұрағатталған 16 қаңтардың 2013 жылы. (қаз.) (ағыл.) (орыс.)