Әбжыландар

Әбжыландар - сужыландар тұқымдасының туысы, ұзындығы 2,4 метрге дейін жетеді. Денесінің арқа жағы бір түсті, кейде қара қошқыл жолағы не дақтары бар, ал құрсақ жағы біркелкі ашық түсті болады. Əбжыландардың 30-ға жуық түрі Оңтүстік Еуропада, Азияның, Солтүстік және Шығыс Африканың, Солтүстік Американың қоңыржай және тропиктік алқаптарында таралған. Бұл жыландар өздерінің бас қалқанымен және улы тістерімен белгілі. Олардың бастарының артқы жағында жалпақ бос тері болады, осының себебінен бастарында қалқан бар секілді көрінеді. Олар бір нәрседен қорыққан немесе секемденген кезде денелерінің алдыңғы бөлігін көтеріп алып, қалқаны көрінердей етіп мойындарын тік ұстайды. Əбжыландар тышқандармен, кесірткелермен, құс балапандарымен, кейбірі жəндіктермен де қоректенеді. Қорегін денесімен орап, тұншықтырып барып жұтады. Қазақстанда əбжыландардың 8 түрі кездеседі, оның 4 түрі "Қызыл кітапқа" тіркелген.

Дереккөздер

Қазақ тілі терминдерінің салалық ғылыми түсіндірме сөздігі. -Алматы"Мектеп", 2002.